சுவைக்கத் தெரிந்த மனமே

Posted: மார்ச் 29, 2010 in பத்தி
குறிச்சொற்கள்:

தாங்கள் சுவைக்கக் கனி கிடைக்காதா என்று கணக்கிடாமல் மரக்கன்றுகளை நடத் தயாராக இருக்கும் உள்ளங்களாகவே புதியவர்களையும், இளைஞர்களையும் ஊக்குவிக்கும் திரு மா.அன்பழகன் கவிஞர் க.து.மு.இக்பால் இவர்களை காண்கிறேன்.

நான் விடாமல் நச்சரித்ததும் ஒருநாள் இருவரும் எனது ரொட்டி கடைக்கு வந்திருந்தார்கள். அதிகம் பேசாவிட்டாலும் அர்த்தத்தோடு பேசும் அவர்களின் வார்த்தைகளை ரசித்துக் கொண்டிருந்தேன்.

சரி சாப்பிடலாமா என்றேன்…

திரு மா.அன்பழகன் சாப்பிடலாம் ஆனால் நான் Poor Eated என்றார். சுவைக்க மனம் துடிக்கிறது ஆனால் உடல் மறுக்கிறது என்றார்.

நண்பர்கள் பெற்று வாழ்வதே தலை சிறந்த வாழ்க்கை தனி மரமாக இருப்பவர் ஆயுள் கூட குறைந்த காலமே…

எல்லாச் சுவைகளிலும் உணவுகள் கிடைப்பதைப் போல நண்பர்களும் கிடைத்து விட்டால் நாம் கொடுத்து வைத்தவர்கள் தான்.

உணவுச் சுவைகளில் துவர்ப்பு ஆற்றலையும், கார்ப்புச் சுவை வீறினையும் இனிப்புச் சுவை வளத்தினையும், உவர்ப்புச் சுவை தெளிவினையும், புளிப்பு இனிமையும், கசப்புச் சுவை மென்மையையும் தரும் என்று உணவு மருத்துவம் கூறுகிறது.

உண்ணும் உணவில் ஆறு தாதுக்களுக்கும் பயன் இருக்கிறது. இரத்தத்தை உண்டாக்க துவர்ப்பும், எலும்பை வளர்க்க உப்பும், தசையை வளர்க்க இனிப்பும், கொழுப்பைத் தர புளிப்பும், நரம்பைப் பலப்படுத்த கசப்பும், உமிழ் நீரைச் சுரக்க காரமும் என உணவில் ஒன்று சேர்த்திருந்தால் ஏழாவது தாதுவான மூளைக்கு வேறு சக்தி தேவையில்லை என்று சொல்கிறார்கள்.

ஆனால் மேலை நாடுகளில் சுவைகள் இந்த மட்டும் தான் உள்ளன. அவர்கள் துவர்ப்புச் சுவையை விட்டு விட்டார்கள். ஆனால் ஜப்பானியர்கள் மட்டும் ‘யுமாமி’ என்ற சுவையைக் குறிப்பிடுகிறார்கள். இந்தச் சுவை மாமிசம் சாப்பிடும்போது அனுபவிக்கும் சுவை என்பது அவர்களது விளக்கம்.

ஆங்கிலேயர்கள் (Savory) சேவரி என்ற புது சுவையினை சேர்த்துக் கொண்டார்கள். அது திருமதி ஜெயந்தி சங்கர் தனித் தலைப்பில் எழுதிய ஏழாவது சுவை அகினோ மோட்டாதான்.

உண்மையில் நம் நாக்கு 25 விதமான சுவைகளை அறியக் கூடியது அத்தனைக்கும் தமிழில் பெயர்கள் இல்லை.

நாம் பள்ளிக் கூடங்களில் படிக்கும் போது நாக்கைப் படம் போட்டு இந்தந்த இடத்தில் இன்ன சுவை நரம்புகள் உள்ளன என்று அறிவியல் டீச்சர் படம் போட்டு காண்பிப்பார். நான் இனிப்பு சுவை உணரும் பகுதி எந்தப் பகுதியில் உள்ளது என்று ஆவலாக அவர் படம் போடும் போது பார்ப்பேன். அப்படி நாக்கில் சுவை மொட்டுக்களுக்கென மேப் எதுவுமில்லை என்று சார்லஸ் சூக்கர் (1995 Professor of Biology university of California) கண்டு பிடித்திருக்கிறார்.

நாக்கில் எல்லாப் பகுதிகளுமே சுவையை உணரத் தக்கவாறு அமைந்துள்ளதாக சொல்கிறார்.

இன்னும் நாக்கில் 25 சுவைகளுக்கு மேலும் உணர்ந்து கொள்ள ஏற்பாடுகள் இருப்பதாக கூறுகிறார். தேன், திராட்சை, மாம்பழம், பலா, சப்போட்டா இவைகள் இனித்தாலும் அவற்றுக்கு ஒன்றுக் கொன்று வித்தியாசங்கள் இருக்கிறது அல்லவா.

சுவை மொட்டுக்களை ஆராய்ந்தபோது அதில் இரண்டு அறைகள் இருப்பதாக கூறுகிறார். ஒரு அறை உப்பு, கரிப்பு, கசப்பு சுவைகள் அமர்வதற்காகவும் இன்னொரு அறை அந்தச் சுவை உணர்வை பலமாகத் தூண்டிவிடும் இன்னொரு பொருளுக்காக காத்துக் கொண்டிருப்பதாகவும் கூறுகிறார்.

அக்னோமோட்டோ தன்னளவில் சுவையற்றதாக இருந்து மாமிச உணவில் கலந்துத் அந்த மாமிசத்தின் சுவை பன் மடங்கு கூடுவது இதனால் தானோ…?

மேலும் கொஞ்சம் ஆராய்ந்தால் சுவை ஏற்பிகளின் இரண்டாம் அறை சர்க்கரை சுவை போன்றவற்றை பல மடங்கு நாமே அதிகரித்து கொள்வதற்கும் கசப்புச் சுவை வீச்சை இன்னும் தணிப்பதற்கும் நாட்கள் வெகு தூரத்தில் இல்லை என்று சொல்கிறார்.

Advertisements
பின்னூட்டங்கள்
  1. pandiidurai சொல்கிறார்:

    ஷான் உயிரோசையில் தொடர் பார்த்தேன்.

    வாழ்த்துக்கள்.

  2. pandiammalsivamyam சொல்கிறார்:

    ஏழாவது சுவை அயல்பசிதான் .உடல் நலம்? நம்முடல் இறைவன்வாழும் ஆலயம்.அதை பேணுவது நம்கடமை.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s