சிரித்த விதமும் வாழ்ந்த விதமும்

Posted: மார்ச் 30, 2010 in பத்தி

துண்டு துண்டாக தனித் தனியே நிற்கும் மனிதர்கள், ஒன்றை ஒன்று அறியாத வீடுகள், அடுத்த வீட்டு மனிதர்களை அறியாத அவர்களின் சுக துக்கங்கங்களில் பங்கு கொள்ளாத வீடுகள், அவசர கதி, இயந்திர கதி, மனிதப் பரவல், புதியவர்கள் பரவல் இவற்றை சேர்த்து வடம் பிடித்து இழுத்து ஒன்றினைக்கும் முயற்சிகள் சிங்கப்பூரில் குடியிருப்பாளர் குழக்கள் கூலம் தீவு தோறும் நடைபெற்று வருகின்றன. அதிகம் நான் குடியிருக்கும் பகுதியின் குடியிருப்பாளர் குழு தலைவர் மிஸ்டர்.மேக் (சீனர்) ஒரு ஓய்வு பெற்ற ராணுவ அதிகாரி 80 வயது இளைஞர். சிலர் அவரை கூப்பிடும் விதத்திலேயே அவர் புளங்காகிதம் அடைவார் மலாய் பெயரில் MAC YOUSUF என்றும் தம்மை அடையாளப்படுத்திக்கொள்வார். மாதந்தோறும் நடக்கும் குடியிருப்பாளர் குழு கூட்டங்களில் புதிதாக குடியேற்றம் பெற்ற குடும்ப உறுப்பினர்கள் அதிலும் இந்தியர்கள் கலந்து கொள்வது அரிதாகவே இருக்கிறது. நானும் தாமதமாக குடியிருப்பாளர் குழவில் இணைந்தேன் அதில் பேசப்படும் விசயங்கள் அரசாங்கத்திற்கு கொண்டு செல்லப்படும் விதம் பயனுள்ளவையாக இருக்கும்.

இப்போது வியாழன் தோறும் மாலையில் “சிரிப்பில் சிரிப்போம்” வாருங்கள் என்று குடியிருப்பாளர்களுக்கு நிகழ்ச்சி ஆரம்பித்திருக்கிறார்கள். Laughter, your way to health. யோகா, நீச்சல், தள விளையாட்டுக்களை முந்திக் கொண்டு சிரிப்பில் சிரிக்க உறுப்பினர்கள் சேர்ந்த வண்ணம் உள்ளனர்.

உணவு முறையாலும் அன்றாட வாழ்க்கை முறையிலும் வேறுபட்ட சிந்தனைகளாலும் ஒரு மனிதனிடம் உருவாகும் சீரற்ற போக்கே உடல் நலத்தை கெடுக்கிறது. உணவைக் கடந்து மனிதர்கள் ஆரோக்கியத்திற்கு தேவையான இன்னொரு சுவை – நகைச்சுவை …

 

மதியம் அறுசுவை உணவுடன் நகைச்சுவையும் சேர்த்துக் கொண்டால் இரத்தத்தில் சக்கரையின் அளவு குறையும் என்று கண்டறிந்திருக்கிறது ஜப்பான் பல்கலைகழகத்தின் சமீபத்திய ஆய்வு…

இறுக்கமாக இருக்கும் மன ஓட்டத்தை அப்படியே மாற்றிடும் சக்தி படைத்தது நகைச்சுவை. ஓரு மனிதன் மனம் விட்டு சிரிக்கும்போது அவன் மூளையில் எண்டார்ஃபின் (Endoorphine) என்ற ரசாயனம் உற்பத்தியாகிறது. அது மனிதனின் சிடு சிடுவிலிருந்து மீட்டு நல்ல மூடுக்கு கொண்டு வருகிறது.

புன்னகை உறவுக்கான முதல் தூது எத்தனைபேர் எவ்வளவு விரைவாக தூது அனுப்புகிறார்கள் என்பதை பொருத்து இப்பூவுலகில் அமைதியும் மகிழ்ச்சியும் ததும்பியிருக்கும்.

மிக்சிகன் பல்கலைக்கழக பேராசிரியர் Ernest Abel பேஸ்பால் விளையாட்டு வீரர்களின் 230 புகைப்படங்களை (1950 ஆண்டிலிருந்து எடுக்கப்பட்டவை) ஆராய்ச்சி செய்திருக்கிறார். அந்தப் புகைப்படங்களில் உள்ள விளையாட்டு வீரர்களின் புன்னகையை தரம் வாரியாகப் பிரித்திருக்கிறார்.

சுத்த உம்மணாஞ்சி
கொஞ்சம் பரவாயில்லை
தெய்வீகச் சிரிப்பு

இவற்றோடு அவர்களின் பிறந்த தேதி, உடல் எடை, திருமண பந்தம், வேலை நிலைமை போன்ற விபரங்களையும் கவனத்தில் கொண்டு ஆராய்ச்சியை செய்து முடித்திருக்கிறார்.

கடைசி விளையாட்டு வீரர் கடந்த ஜீன் மாதம் இறக்கும் வரை காத்திருந்து தன் ஆராய்ச்சி முடிவுகளை வெளியிட்டிருக்கிறார்.

புகைப்படத்தில் இருந்த சுத்த உம்மணாமூஞ்சி விளையாட்டு வீரர்கள் சராசரியாக 72.9 வருடமும், கொஞ்சம் பரவாயில்லை ரசகம் 75 வயது வரைக்கும், தெய்வீக சிரிப்புச் சிரித்தவர்கள் 79.9 வயது வரையும் வாழ்ந்திருக்கிறார்கள்.

இது ஒரு சிரிப்பான புள்ளி விபரம் என்று நாம் புறந்தள்ளிவிட முடியாத அளவிற்கு சிறப்பாக இருப்பதாக ஆயராய்ச்சியாளர்கள் கூறுகிறார்கள்.

கொஞ்சம் ஸ்மைல் பிளீஸ் என்று புகைப்படம் எடுப்பவர் சொல்வது ஏன் என்று இப்போதுதான் புரிகிறது.

அப்துல்காதர் ஷாநவாஸ்

Advertisements
பின்னூட்டங்கள்
  1. pandiammalsivamyam சொல்கிறார்:

    வாழ்வது வரையிலும் துன்பம்தான். மற்றவகர்களை சிரிக்கவைத்து நாமும் சிரிப்போம்.நானும் வருகிறேன்உங்களுடன்.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s